សារ​មន្ទីរ​ធម្មជាតិ​សកល​សម្តេច​តេជោ​ហ៊ុន សែន ព្រះវិហារ មាន​ទីតាំង​នៅភូមិ​ធម្មជាតិ ឃុំ​ស្រអែម ស្រុក​ជាំក្សាន្ត ខេត្ត​ព្រះវិហារ ស្ថិតនៅ​ចម្ងាយ​ប្រមាណ ៨៥គីឡូម៉ែត្រ​ពី​ទីរួមខេត្ត​ព្រះវិហារ។

សារមន្ទីរ​នេះ ត្រូវ​បាន​កសាង​លើ​ផ្ទៃដី ៧​ហិចតា ក្នុង​ទំហំ​ផ្ទៃដី​សរុប ១៧៧​ហិចតា កាលពី​ថ្ងៃទី​១១ ខែ​ឧសភា ឆ្នាំ​២០០៨។ ការ​កសាង​នេះ គឺ​ក្រោម​គំនិត​ផ្តួចផ្តើម​របស់​សម្តេច ហ៊ុន សែន និង​សម្ដេច​កិត្តិ​ព្រឹទ្ធ​បណ្ឌិត ដោយ​ចំណាយ​ថវិកា​សរុប​ជិត ៥៧ម៉ឺន​ដុល្លារ ក្នុងនោះ​ថវិកា​ផ្ទាល់​របស់ សម្តេច​ទាំង២​មាន​ចំនួន ១៥ម៉ឺន​ដុល្លារ និង​ថវិកា​សប្បុរសជន​ជាច្រើន​ទៀត។ នេះ​បើតាម​របាយការណ៍​របស់​អាជ្ញាធរ​ខេត្ត​ព្រះ​វិហារ កាលពី​ឆ្នាំ​២០១៣។ នៅទីនេះ ភ្ញៀវទេសចរអាចទស្សនាវត្ថុបុរាណជាច្រើន។