ប្រាសាទតាសន ជាប្រាសាទដែលសាងសង់ឡើង ពីថ្មបាយក្រៀមនិងឥដ្ឋបុរាណ និងមានដើមឈើព័ទ្ធជុំវិញ ថែមទាំងមានខ្យល់អាកាសបរិសុទ្ធ បរិយាកាសស្ងប់ស្ងាត់ ថែមទាំងមានធម្មជាតិនៅជុំវិញយ៉ាងស្រស់ស្អាតទៀតផង។ ប្រាសាទតាសន មានចម្ងាយប្រហែល34.5គីឡូម៉ែត្រពីទីរួមខេត្តកំពង់ធំ ដោយចេញពីទីរួមខេត្តតាមផ្លូវជាតិលេខ6 និងផ្លូវលេខ62 ចម្ងាយប្រហែល16.5គីឡូម៉ែត្រ រួចបត់ស្ដាំតាមផ្លូវលេខ219 ប្រហែល16 គីឡូម៉ែត្រ ដោយធ្វើដំណើរកាត់តាមប្រាសាទសំបូរព្រៃគុក រួចកាត់តាមប្រាសាទយាយព័ន្ធ។