ទឹកធ្លាក់អន្លង់ខៀវ(ទឹកធ្លាក់អន្លង់ធំ) ជារមណីយដ្ឋានថ្មីដែលយើងអាចមើលឃើញទេសភាពទឹកជ្រោះហូរធ្លាក់មកពីលើកំពូលភ្នំ មកប៉ះនឹងផ្ទាំងថ្មបែកទឹកជាតំណក់ៗដែលធ្វើឱ្យយើងមើលឃើញតំណក់ទឹកនោះហាក់បីដូចជាដុំព្រិលដែលធ្លាក់ខ្ទាតប៉ះទៅនឹងស្លឹកឈើព្រៃគួរឱ្យចង់គយគន់ក្រៃលែង។​ ជាយូរៗម្តងគេបានឮសំឡេងសត្វរៃកណ្តឹង និងសម្លេងបក្សាបក្សីយំយ៉ាងទ្រហឹងអឺងកងចេញពីដើមឈើដែលដុះអមសងខាងមាត់ស្ទឹងបង្កើត បានជាតន្ត្រីធម្មជាតិមួយយ៉ាងពិរោះរណ្តំចិត្ត។