សារមន្ទីរខេត្តកំពង់ធំ ជាសារមន្ទីរជាតិដែលបានដាក់តាំងបង្ហាញនៅវត្ថុបុរាណចាស់ៗ​ ដែលបានបន្សល់ទុកតាំងពីសម័យមុនអង្គរ សម័យអង្គរ និងសម័យក្រោយអង្គរសម្រាប់ឱ្យភ្ញៀវទេសចរទៅទស្សនា និងស្វែងយល់ពីប្រវត្ដិនៃវត្ថុបុរាណដែលមានដាក់បង្ហាញក្នុងសារមន្ទីរមានដូចជា រូបចម្លាក់ ផ្តែរ ហោងជាង ធ្នឹម លិង្គ យោនី កុលាលភាជន៍ និងសិលាចារិកជាដើម។ សារមន្ទីរខេត្តកំពង់ធំ មានចម្ងាយប្រហែល 3គីឡូម៉ែត្រ ពីទីរួមខេត្ដកំពង់ធំដោយធ្វើដំណើរតាមផ្លូវជាតិលេខ6 កាត់តាមស្ពានស្ទឹងសែនឆ្ពោះទៅត្រង់ប្រហែល 2គីឡូម៉ែត្របត់ខាងស្ដាំដៃតាមផ្លូវលំ។