ប្រាសាទសណ្ដាន់ ជារមណីយដ្ឋានបែបប្រវត្តិសាស្រ្តនិងវប្បធម៍ដែលមានសក្ដានុពលខាងវិស័យទេសចរណ៍ដែលអាចទាក់ទាញភ្ញៀវទេសចរជាច្រើនមកទស្សនាពីលក្ខណៈពិសេសរបស់ប្រាសាទគឺសង់ពីឥដ្ឋបុរាណមានខឿនពីរជាន់ជាមួយនិងកាំជណ្ដើរហើយរាងបួនជ្រុងអមទៅដោយដើមឈើមើលទៅគួរឱ្យចង់ទៅទស្សនា។

ប្រាសាទសណ្ដាន់ មានចម្ងាយប្រហែល33 គីឡូម៉ែត្រពីទីរួមខេត្តកំពង់ធំ ដោយធ្វើដំណើរចេញពីទីរួមខេត្តតាមផ្លូវជាតិលេខ6 ប្រហែល8គីឡូម៉ែត្រ រួចទៅមុខត្រង់តាមផ្លូវលេខ62 ប្រហែល10.5គីឡូម៉ែត្រ រួចបត់ស្ដាំតាមផ្លូវលេខ219 ប្រហែល14.5គីឡូម៉ែត្រ ជិះកាត់តាមប្រាសាទច្រមុះជ្រូក នៅខាងឆ្វេងដៃ។