ប្រាសាទយាយព័ន្ធ ត្រូវបានកសាងឡើងកាលពីអំឡុងសតវត្សរ៍ទី7ដោយព្រះបាទឥសានវរ្ម័នទី1(616-635)លក្ខណៈពិសេសរបស់ប្រាសាទគឺមានខឿនពីរជាន់មានកាំជណ្ដើរឡើងហើយក្បូរក្បាច់រចនាស្រស់ស្អាតនិងដើមឈើដុះនៅជាប់ជញ្ចាំងប្រាសាទមើលទៅគួរឱ្យគយគន់ណាស់។

ប្រាសាទយាយព័ន្ធ មានចម្ងាយប្រហែល33.5 គីឡូម៉ែត្រពីទីរួមខេត្តកំពង់ធំ ដោយធ្វើដំណើរចេញពីទីរួមខេត្តតាមផ្លូវជាតិលេខ6 ប្រហែល8គីឡូម៉ែត្រ រួចទៅមុខត្រង់តាមផ្លូវលេខ62 ប្រហែល10.5គីឡូម៉ែត្រ រួចបត់ស្ដាំតាមផ្លូវលេខ219 ប្រហែល15គីឡូម៉ែត្រ ជិះតាមប្រាសាទសុំទឹកភ្លៀង នៅខាងឆ្វេងដៃ។