ផ្សារទំនើបអូឡាំព្យា គឺជាផ្សារទំនើបដ៏ថ្មីស្រឡាងមួយទើបតែបើកដំណើរការទទួលអតិថិជន ក៏ដូចជាភ្ញៀវទេសចរសម្រាប់មកកម្សាន្ត។​ នៅផ្សារនេះមានដូចជាហាងលក់ទំនិញម៉ាកល្បីៗ រោងកុន ហាងកាហ្វេ និងភេសជ្ជៈ ភោជនីយដ្ឋាន ហាងសម្អាង និងថែរក្សាសម្ជស្ស​​ អាហារដ្ឋានផ្សេងៗ កន្លែងកម្សាន្តសម្រាប់កុមារ និងមានសេវាកម្មផ្សេងៗ។ ក្រៅពីនេះទៅទៀត មានការរៀបចំរចនា កែច្នៃនូវសំណង់អគារដ៏ប្លែកមួយ​ ដែលមានភាពស្រឡះធំទូលាយ រួមជាមួយនឹងជណ្ដើរយន្តដ៏វែងតាំងពីជាន់ក្រោមរហូតដល់ជាន់ខាងលើ អ្នកខ្លះឱ្យឈ្មោះថាជាជណ្ដើរឋានសួគ៌។