ទំនប់៥កុម្ភៈជារមណីយដ្ឋានបែបធម្មជាតិនិងកែឆ្នៃដោយមនុស្ស។ រមណីយដ្ឋានមួយកន្លែងដែលមានសក្ដានុពលខាងវិស័យទេសចរណ៍ដែលអាចទាក់ទាញភ្ញៀវទេសចរមកទស្សនា។ នៅទីនោះមានកន្លែងអង្គុយញុំាអាហារគយគន់ទេសភាពនិងស្រូបយកខ្យល់កាសបរិសុទ្ធពីធម្មជាតិ​​ ហើយជាពិសេសទៅទៀតនោះនៅពេលដែលមានបុណ្យជាតិធំៗដូចជា បុណ្យ​ភ្ជុំបិណ្យ បុណ្យអកអំបុក អាជ្ញាធរនៅក្នុងតំបន់មានការរៀបចំប្រណាំងទូកង ដើម្បីធ្វើការទាក់ទាញភ្ញៀវទេសចរជាតិ​ និងអន្តរជាតិមកលេងកម្សាន្ត យ៉ាងច្រើនកុះករនៅ​រមណីយដ្ឋាន​៥​កុម្ភៈនេះ