ឆ្នេរឡុង ជាឆ្នេរមួយដែលមានឆ្នេរខ្សាច់សក្បុស មានទឹកសមុទ្រខៀវស្រងាត់ ខ្យល់អាកាសបរិសុទ្ធ នៅខាងក្រោយមានភ្នំតូចមួយហ៊ុមព័ទ្ធដោយរុក្ខជាតិដ៏ស្រស់ស្អាត មានដើមឈើទោរចូលទៅរកសមុទ្ររំលេចជាទេសភាពដ៏ស្រស់ស្អាត។ ឆ្នេរឡុងបាននឹងកំពុងទាក់ទាញអ្នកទេសចរជាតិ និងអន្តរជាតិយ៉ាងច្រើនកុះករមកកម្សាន្តគ្រប់រដូវកាល ហើយអ្នកទេសចរពេលបានមកលេងនៅទីនេះហើយនឹងមានអារម្មណ៍ស្រស់ស្រាយជាមួយនឹងសម្រស់ឆ្នេរឡុង។
ឆ្នេរឡុង មានចម្ងាយប្រហែល 37គីឡូម៉ែត្រពីទីរួមខេត្តព្រះសីហនុ ដោយធ្វើដំណើរតាមរយៈម៉ូតូ ឬរថយន្ដបានចម្ងាយប្រហែល 4គីឡូម៉ែត្រដល់ផែ 52 រួចបន្តដំណើរតាមទូកមានចម្ងាយប្រហែល 34គីឡូម៉ែត្រទៀតនឹងទៅដល់គោលដៅ។ យើងអាចធ្វើដំណើរតាមមធ្យោបាយ កង់/ម៉ូតូ រថយន្ត ឡានក្រុង រថភ្លើង យន្តហោះ។
5 stars (0%)
4 stars (0%)
3 stars (0%)
2 stars (0%)
1 star (0%)