ឈ្មោះយាយ​យ៉ាត​នេះ​បាន​ក្លាយ​ទៅ​ជ​ា​បារមី​​ថែ​​រក្សា​ទឹកដី​​ត្បូង​ពេជ្រ​​ឱ្យ​ទទួលបាន​តែ​​សេចក្តី​សុខ និង​ចម្រុង​ចម្រើន ។ ដោយសារ​តែ​​​មានការ​គោរព​បូជា​ពី​ប្រជាពលរដ្ឋ​ទូទៅ​​ គេ​សង្កេត​ឃើញ​​នៅ​រៀង​រាល់​​ថ្ងៃសីល​ តែង​មានការទៅ​អុជ​ទៀន​ធូប​​ និង​​ដាក់តង្វាយ​​​​ផ្សេងៗ​នៅចំពោះ​មុខ​រូប​សំណាក​​យាយយ៉ាត​​ ដែលត្រូវ​បានតម្កល់​នៅ​លើ​វត្ត​​ភ្នំយ៉ាត​ជាទី​អារាម​មួយ​ដ៏ចំណាស់​​នៅ​តំបន់​​នោះ​ ។ ពិសេស​ទៅ​ទៀត​​​ នៅ​រៀងរាល់​រដូវ​បុណ្យ​ផ្សេងៗ​​ដូច​ជា​បុណ្យ​ចូលឆ្នាំថ្មី​ប្រពៃ​​ណី​ជាតិ បុណ្យ​ភ្ជុំ​​បិណ្ឌ ​ឬ​បុណ្យ​​ចូលឆ្នាំ​ចិនជា​ដើមប្រជា​ពល​រដ្ឋ​​​ភាគ​ច្រើន​មិន​​ភ្លេច​លោក​យាយ​យ៉ាតឡើយ ។