ស្ទឹងរឹម គឺជារមណីយដ្ឋានធម្មជាតិមួយកន្លែងនៅក្នុង​ខេត្តបាត់ដំប​ង​។​ រមណីយដ្ឋាននេះ​មានទេសភាពដ៏ស្រស់ស្អាតក្រៃលែង គួរអោយចង់គួយគន់។ ស្ទឹងមួយនេះមានទឹករាក់ហើយថ្លាដូចកញ្ចក់ ហូររឹមៗ នៅលើដុំថ្មតូចៗ ដែលគួរឲ្យចង់លេងកម្សាន្ដ។ ​ពិសេសជាងនេះទៅទៀត ភ្ញៀវទេសចរដែលមកលេងកម្សាន្ដ​កន្លែងនេះ អាចលេងទឹក និងគយគន់មើលទេសភាពធម្មជាតិដ៏ស្រស់ស្អាតនៅជុំវិញតំបន់បានផងដែរ ពិសេសនៅរដូវប្រាំង។ បន្ថែមលើនេះទៀត សម្រាប់អ្នកដែលចូលចិត្តផ្សងព្រេង ​បោះតង់​ និង​ភាពស្ងប់ស្ងាត់​ ក្នុងខេត្តបាត់ដំបង ស្ទឹងរឹម គឺជាកន្លែងទីមួយដែលសាកសម​ជាងគេ។ ស្ទឹងរឹម មានចម្ងាយប្រហែល 46 គីឡូម៉ែត្រពីសាលាខេត្តបាត់ដំបង។ យើងអាចធ្វើដំណើរតាមផ្លូវជាតិលេខ 57 ឆ្ពោះមក ផ្សារស្តៅ។ បន្ទាប់យើងត្រូវធ្វើដំណើរប្រហែល 5 គីឡូម៉េត្រទៀត យើងនិងឃើញច្រកចូលខាងឆ្វេងដៃដែលនៅជិត រ៉ូមែនទិច ឃេធីវី។