ប្រាសាទដើមចាន់ ជាប្រាសាទដែលសាងសង់ឡើង ពីថ្មបាយក្រៀមនិងឥដ្ឋបុរាណ និងមានដើមឈើធំៗជាម្លប់ ខ្យល់អាកាសបរិសុទ្ធ បរិយាកាសស្ងប់ស្ងាត់ ថែមទាំងមានធម្មជាតិនៅជុំវិញយ៉ាងស្រស់ស្អាតទៀតផង។ ប្រាសាទដើមចាន់ មានចម្ងាយប្រហែល5គីឡូម៉ែត្រពីទីរួមខេត្តកំពង់ធំ ដោយចេញពីទីរួមខេត្តតាមផ្លូវជាតិលេខ6 និងផ្លូវលេខ62 ចម្ងាយប្រហែល16.5គីឡូម៉ែត្រ រួចបត់ស្ដាំតាមផ្លូវលេខ219 ប្រហែល14.5គីឡូម៉ែត្រ នៅខាងឆ្វេងដៃ។