រមណីយដ្ឋានធ្នួសតាព្រហ្ម ឬរមណីយដ្ឋានក្បាលស្ទឹងជីនិត ជាកន្លែងកម្សាន្ដមួយដែលមានទឹកហូរខួបប្រាំងវស្សា។ នៅរដូវប្រាំង កម្រិតទឹកស្ទឹងមានសភាពរាក់ ដែលមានទឹកហូរកាត់ផ្ទាំងថ្មតូចធំ បង្កើតបានជាទឹកប៉ប្រះថ្មហូរឈូឆរបង្កជាលក្ខណៈងាយស្រួលដល់ការលេងកម្សាន្ដរបស់ភ្ញៀវទេសចរ។ ចំណែកនៅ រដូវវស្សា កម្រិតទឹកស្ទឹងបានជន់ឡើងខ្ពស់ដោយសារទឹកភ្លៀង ប៉ុន្ដែវានៅតែស័ក្ដិសម សម្រាប់ការកម្សាន្ដដដែល។ នៅសងខាងច្រាំងស្ទឹង មានដើមឈើតូចធំដែលផ្ដល់ជាម្លប់ អមដោយទេសភាពទឹកហូរប៉ះនឹងផ្ទាំងថ្មបង្កើតបានជាផ្ទាំងទស្សនីយភាពដ៏ស្រស់ត្រកាលគួរជាទីគយគន់។ រមណីយដ្ឋានឆ្នួសតាព្រហ្ម មានចម្ងាយប្រហែល 57គីឡូម៉ែត្រ ពីទីរួមខេត្តកំពង់ធំ ដោយធ្វើដំណើរចេញពីសាលាខេត្ដតាមតិរវិថី ស្ទឹងសែន ឆ្ពោះទៅផ្លូវជាតិលេខ 6 រួចបត់ស្ដាំទៅត្រង់ប្រហែល 18គីឡូម៉ែត្រ រួចបត់ឆ្វេងទៅត្រង់ប្រហែល 8.5គីឡូម៉ែត្រ រួចបត់ឆ្វេងទៅត្រង់ប្រហែល 6គីឡូម៉ែត្រ អ្នកនឹងទៅដល់ផ្លូវបំបែកជាបួន រួចបត់ស្ដាំទៅត្រង់ប្រហែល 7គីឡូម៉ែត្រ រួចបត់ស្ដាំទៅត្រង់បន្ដិច រួចអ្នកត្រូវបត់ឆ្វេងទៅត្រង់ប្រហែល 3.5គីឡូម៉ែត្រ រួចបត់ស្ដាំទៅត្រង់ប្រហែល 10គីឡូម៉ែត្រ រួចបត់ឆ្វេងទៅត្រង់ 1.5គីឡូម៉ែត្រ រួចអ្នកត្រូវបត់ស្ដាំទៅត្រង់ប្រហែល 1.5គីឡូម៉ែត្រទៀត អ្នកនឹងទៅដល់រមណីយដ្ឋានឆ្នស់តាព្រហ្ម។
012 463 480
5 stars (0%)
4 stars (0%)
3 stars (0%)
2 stars (0%)
1 star (0%)