ទឹកធ្លាក់ព្រែករំដួល ជាល្បាក់​ទឹកធ្លាក់​ប៉ប្រះ​ផ្ទាំង​ថ្ម លាន់ស្នូរ​ឈូឆរទាក់​ចិត្ត​ភ្ញៀវ​មកលេង​កម្សាន្ដ​នៅ​ទីឋាន​ព្រែក​នេះ ​ដែលនៅ​មិន​ឆ្ងាយ​ប៉ុន្មាន​ពី​ច្រក​ចូល​ឧទ្យានជាតិ​ព្រះមុនីវង្ស​ភ្នំបូកគោ​។ មានដុំថ្ម​តូច​ធំ​ជាច្រើន​ដុំ​ស្ថិត​នៅ​រាយប៉ាយ​រាំង​ស្ទះ​ដល់​ផ្លូវ​ទឹក​កំពុង​ហូរធ្លាក់​យ៉ាងថ្លា​យង់ បង្កើត​ជា​ទស្សនីយភាព​គួរ​ឱ្យ​ចង់ងូត​លេង​កម្សាន្ដ​។ ចាប់​ពីល្បាក់​ទឹក​ហូរ​ក្រោមស្ពាន​ស្មើ កម្ពស់​ជាង​កន្លះ​ម៉ែត្រ ​ហូរ​បន្ដ​មក​អាង​មួយ​ជម្រៅទឹក 2ម៉ែត្រ​រហូត​ដល់​ទឹកហូរ​ប៉ប្រះ​ថ្ម​រាក់​ៗ​ប្រវែង​ប្រមាណ​ជា 100ម៉ែត្រ។