ប្រាសាទព្រះខ័ន​កំពង់ស្វាយ (​អ្នកស្រុក​ហៅ ប្រាសាទ​បាកាន​) មាន​ចំងាយ​ប្រមាណ ២៩០​​​​គីឡូម៉ែត្រ​​​​​​​​​​ពី​រាជធានី​ភ្នំពេញ និងមាន​ចំងាយងាយប្រមាណជា ៨៥គីឡូម៉ែត្រ ពីទីរួមខេត្តព្រះវិហារ ។ ប្រធាន​មូលនិធិ​កេរដំណែល​ខ្មែរ និយាយតាមប្រវត្តិសាស្រ្តថា ព្រះបាទ​ជ័យវរ្ម័ន​ទី​៧ បានសាងសង់​ប្រាសាទ​ព្រះខ័ន​កំពង់ស្វាយនេះឡើង ក្នុងគោលបំណង​រម្លឹក​ជ័យជម្នះ​លើ​ទ័ព​ចម្ប៉ា ​ឈ្លានពាន​អាណាចក្រ​អង្គរ​។ បច្ចុប្បន្ន ប្រាសាទនេះ ស្ថិតក្នុង​ឃុំ​រណសិរ្ស ស្រុក​សង្គម​ថ្មី ខេត្តព្រះវិហារ​។