ឧទ្យានជាតិកែប ជាបេះដូងទេសចរណ៍នៃខេត្តកែប ឧទ្យាននេះផ្តល់នូវធនធានសមុទ្រដ៏ច្រើនដល់ប្រជាជនក្នុងតំបន់ដូចជា ត្រី ក្តាម បង្គា មឹក លៀស ខ្យង ងាវជាដើម។ ផ្នែកមួយចំនួននៃមាត់សមុទ្រនៅភាគខាងកើត និងខាងលិចនៃឧទ្យានជាតិកែប គឺមានព្រៃកោងកាងលាតសន្ធឹងពីទំនាបទឹកប្រៃរហូតដល់មាត់    សមុទ្រ ហើយព្រៃកោងកាងទាំងនេះបានផ្តល់ជាថ្នាលបណ្តុះពូជ និងជាសម្បុកដល់ពពួកត្រី ក្តាម ខ្យង ល្មូន និងសត្វសមុទ្រជាច្រើនប្រភេទផ្សេងទៀត។