​តំបន់សហគមន៍​អេកូ​ទេសចរណ៍​អណ្តូង​ក្រឡឹង(ជំរំសត្វទោចញី) គឺជាតំបន់ជម្រកសត្វព្រៃជាច្រើនប្រភេទដូចជា សត្វទោច ស្វាកន្ទុយស​ ស្វាក្រេះ មាន់ទោពណ៌ប្រាក់ជាដើម។​ នៅទីនោះមានសត្វស្លាបទាំងអស់មានចំនួនសរុបប្រមាណ 344ប្រភេទ សត្វថនិកសត្វមានចំនួន 92ប្រភេទ សត្វល្មូនមាន 60ប្រភេទ។ មិនត្រឹមតែជាជម្រកសត្វព្រៃប៉ុណ្ណោះទេ តំបន់សហគមន៍អេកូទេសចរណ៍អណ្ដូងក្រឡឹង ក៏មានទឹកជ្រោះដ៏ស្រស់ស្អាតដែលមានទឹកហូរធ្លាក់ប៉ះនឹងផ្ទាំងថ្មបង្កើតបានជាសម្លងយ៉ាងពិរោះរណ្ដំ គួបផ្សំនឹងសម្លេងបក្សីបក្សាយំកងរំពងព័ទ្ធជុំវិញដោយព្រៃព្រឹក្សាយ៉ាងក្រាស់ បង្កើតបានជាបានទស្សនីយភាពគួរឱ្យចង់គយគន់។