សួនច្បារ នាគសន្តិភាព មានពណ៌ខ្មៅផលិត ពីអាវុធជាតិផ្ទុះជាច្រើនប្រភេទ ដែលបានប្រមូលរយៈពេលពីរឆ្នាំពីប្រជាពលរដ្ឋ មន្រ្តីរាជការកងកម្លាំងប្រដាប់អាវុធដោយអាជ្ញាធរខេត្ត។ រូបសំណាក់នេះបានរំលឹកអំពីការប្តេជ្ញាចិត្ត ការខិតខំប្រឹងប្រែងនិង ក្តីសង្ឃឹមរបស់ពលរដ្ឋនៅក្នុងខេត្តបាត់ដំបង ក្នុងការលុបបំបាត់អំពើហិង្សាកន្លងមក ហើយបានកសាងសង្គមមួយដែលគ្មានអំពើហិង្សា។ សួនច្បារនាគសន្តិភាព មានចម្ងាយប្រហែល 190ម៉ែត្រ ពីទីរួមខេត្តបាត់ដំបង ដោយធ្វើដំណើរតាមផ្លូវលេខ135 និងនៅជិតមាត់ស្ទឹងសង្កែ។