ប្រាសាទជីហោជាប្រាសាទដែលមានវ័យចំណាស់ជាងគេក្នុងខេត្តស្វាយរៀង។​ ប្រាសាទនេះកសាងឡើងក្នុងកំឡុងសតវត្សទី6 លំនាំរចនាបថសំបូរព្រៃគុហ៍។ ប្រាសាទនេះសង់នៅលើទីទួលមួយកន្លែងមានកម្ពស់ 3ម៉ែត្រ ទំហំ 50ម៉ែត្របួនជ្រុង។ ប្រាសាទនេះនៅស្របតាមមាត់ទន្លេជាប់ព្រំប្រទល់កម្ពុជា-វៀតណាម។​ ប្រាសាទនេះកសាងឡើងពីឥដ្ឋ តែផ្នែកខាងកើតនៃប្រាសាទសង់ឡើងពីថ្មបាយក្រៀម។​ ហើយប្រាសាទនេះមានទ្វាបង្អួច​បញ្ឆោតបិទជាប់ជញ្ជាំង។ ចំពោះមេទ្វារ មេបង្អួច ក្បាច់ផ្កា និងក្បាច់ផ្សេងៗទៀតធ្វើអំពីដីដុតទាំងអស់។