ទួលបារាយណ៍អណ្ដែត គឺជាទួលរាបស្មើមួយ ដែលដុះអមទៅដោយដើមឈើធំៗមានម្លប់ត្រជាក់។ ទួលបារាយណ៍អណ្ដែតជាកន្លែងបង់បត់ (ប្រជុំគ្រប់អ្នកតាតូច ធំ ក្នុងខេត្ដព្រៃវែង) ដែលប្រជាពលរដ្ឋយើងមានជំនឿខ្លាំងដោយយល់ថា ជាកន្លែងស័ក្កិសិទ្ធិ ដូចជាការស្បថស្បែរ ឬបន់ស្រន់ជាដើម។ រៀងរាល់ថ្ងៃសីល គេតែងតែនិយមលេងភ្លេងពិណពាទ្យថ្វាយអ្នកតានៅទីនោះ ដើម្បីសុំសេចក្ដីសុខ និងសុំទឹកភ្លៀង។ មិនតែប៉ុណ្ណោះតំបន់នេះក៏ជាចំណុចចាប់ផ្ដើមនៃដំណើរហែអ្នកតាខ្មែរ ឆ្ពោះទៅកាន់តំបន់បាភ្នំផងដែរ។