រមណីយដ្ឋានភ្នំរាប់បាត្រ ឬវត្ដគីរីវង្គត ជារមណីយដ្ឋានដែលនៅលើភ្នំដោយមានវត្តមួយ រូបបដិមា និងប្រជាជនក្នុងតំបន់ធ្វើការគោរពបូជា។ ជាពិសេសភ្ញៀវទេសចរអាចទស្សនាថ្មអណ្ដើក (ថ្មភ្នំដែលមានរាងដូចអណ្តើក) ឆ្នាំងឆ្អិនឯង(មានរឿងដំណាលថាឆ្នាំងនោះគ្រាន់តែដាក់ដាំបាយទៅ វាឆ្អិនដោយខ្លួនឯង) រូងអង្កាម រូងខ្លាក្រហម​(មានរូបចម្លាក់នៅខាងក្នុងសម្រាប់ទស្សនា)  និងទេសភាពស្រស់ត្រកាល ហើយអាចគយគន់ទេសភាពពីលើកំពូលភ្នំ ដែលមានវាលស្រែ ដើមត្នោត និងផ្ទៃទឹកទន្លេសាបយ៉ាងស្រស់ស្អាត។